ជនបរទេស ចំនួន០៥នាក់ សុំឲ្យសមត្ថកិច្ចជួយបញ្ជូន ត្រឡប់ទៅប្រទេសដើមវិញ
15-January-2020 | ដោយ ពលមនសិការ
ភ្នំពេញ៖ នៅថ្ងៃទី១៥ ខែមករា ឆ្នាំ២០២០ វេលាម៉ោង១០នឹង៣០នាទី មានជនបរទេស ចំនួន០៥នាក់ប្រុស មាន០២សញ្ជាតិ បានមកការិយាល័យស៊ើបអង្កេត និងអនុវត្តនីតិវិធី ផែនការងារអន្តោប្រវេសន៍ នៃស្នងការដ្ឋាននគរបាលរាជធានីភ្នំពេញ គោលបំណង សុំឲ្យសមត្ថកិច្ចជួយបញ្ជូន ត្រឡប់ទៅប្រទេសដើមវិញ ព្រោះពួកគេស្នាក់នៅលើសទិដ្ឋាការ និងគ្មានលទ្ធភាពបង់ថ្លៃបន្តទិដ្ឋាការស្នាក់នៅ។
លោកវរសេនីយ៍ទោ ជា ចិត្រា នាយការិយាល័យស៊ើបអង្កេត និងអនុវត្តនីតិវិធី បានឲ្យដឹងថាជនបរទេសទាំង៥នាក់នោះរួមមានទី១.ឈ្មោះ KULDEEP SINGH ភេទប្រុស អាយុ២០ឆ្នាំ ជនជាតិឥណ្ឌា ចូលមកព្រះរាជាណាចក្រកម្ពុជាថ្ងៃទី០៩.១០.២០១៩ តាមច្រកអន្តរជាតិប៉ោយប៉ែត (ទិដ្ឋាការស្នាក់នៅផុតកំណត់នៅថ្ងៃទី០៩.១១.២០១៩) គោលបំណងធ្វើការ។ ទី២.ឈ្មោះ SARKAR ASIM KUMAR ភេទប្រុស អាយុ៣១ឆ្នាំ ជនជាតិឥណ្ឌា ចូលមកព្រះរាជាណាចក្រកម្ពុជាថ្ងៃទី១០.០៩.២០១៩ តាមច្រកអន្តរជាតិប៉ោយប៉ែត (ទិដ្ឋាការស្នាក់នៅផុតកំណត់នៅថ្ងៃទី១០.១០.២០១៩) គោលបំណងធ្វើការ។ ទី៣.ឈ្មោះ MONDAL SUBAL CHANDRA ភេទប្រុស អាយុ៤០ឆ្នាំ ជនជាតិឥណ្ឌា ចូលមកព្រះរាជាណាចក្រកម្ពុជាថ្ងៃទី១០.០៩.២០១៩ តាមច្រកអន្តរជាតិប៉ោយប៉ែត (ទិដ្ឋាការស្នាក់នៅផុតកំណត់នៅថ្ងៃទី១០.១០.២០១៩) គោលបំណងធ្វើការ។ ទី៤.ឈ្មោះ SINGHA CHIRANJIT ភេទប្រុស អាយុ២៨ឆ្នាំ ជនជាតិឥណ្ឌា ចូលមកព្រះរាជាណាចក្រកម្ពុជាថ្ងៃទី១០.០៩.២០១៩ តាមច្រកអន្តរជាតិប៉ោយប៉ែត (ទិដ្ឋាការស្នាក់នៅផុតកំណត់នៅថ្ងៃទី១០.១០.២០១៩) គោលបំណងធ្វើការ។ ទី៥.ឈ្មោះ ROONEY MARCKERRIGAN ភេទប្រុស អាយុ៦៣ឆ្នាំ ជនជាតិអាមេរិក ចូលមកព្រះរាជាណាចក្រកម្ពុជានៅឆ្នាំ២០០៨ តាមច្រកអន្តរជាតិប៉ោយប៉ែត គ្មានលិខិតឆ្លងដែនជាប់នឹងខ្លួន គោលបំណងធ្វើការ។
លោកប្រធានការិយាល័យបន្តថា បច្ចុប្បន្នជនបរទេសខាងលើគ្មានការងារធ្វើ ដើរដេកអនាថាតាមទីសាធារណៈ និងស្នាក់នៅលើសទិដ្ឋាការ ត្រូវបានបញ្ជូនទៅនាយកដ្ឋានស៊ើបអង្កេតនិងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ ដើម្បីអនុវត្តនីតិវិធីបន្តនៃច្បាប់ ៕
ចំនួនអ្នកទស្សនា
- ថ្ងៃនេះ9491
- ម្សិលមិញ15681
- សប្តាហ៍នេះ68331
- ខែនេះ90211
- ឆ្នាំនេះ90211
- សរុប20532667